PROGRAMA VISITAS EN FAMILIA: Parque de Bombeiros de Lugo, Parque Eólico de Sotavento

A ANPA organiza este trimestre dúas novas saídas dentro do Programa de Visitas en Familia:

• A primeira consiste na visita ao Parque Municipal de Bombeiros de Lugo, situado no Alto de  Garabolos desta cidade. A actividade desenvolverase o vindeiro sábado 26  de xaneiro de 2013 a partir das 11 da mañán. O número máximo de nen@s que poden asistir é de 30.

• A segunda ten por destino o Parque Eólico Experimental de Sotavento (Xermade) incluíndo diferentes actividades para os rapaces relacionados coas enerxías  renovables e a arquitectura bioclimática. Terá lugar o sábado 16 de   febreiro entre 11:00 e 14:00. O número máximo de prazas ofertadas  neste caso é de 60, sumados -iso si- nen@s e acompañantes. Dada a  distancia ao lugar, arredor de 1 hora de viaxe, estamos pensando na  posibilidade de reservar nalgún establecemento próximo para xantar por si as familias participantes estivesen interesadas. 

Como sempre neste programa, os desprazamentos aos lugares de desenvolvemento das actividades correrán por conta das familias. Os interesados nelas podedes  apuntarvos no local da ANPA no horario habitual de atención ao público.

Achegamosvos aquí o mapa para ir dende o colexio ata as instalacións de Sotavento:
 
Visualizar o mapa ampliado