PROGRAMA "SAÍDAS CULTURAIS EN FAMILIA" (3º trimestre do curso 2012-2013)

Estas son as actividades que temos previstas para o terceiro trimestre deste curso dentro do programa "Saídas culturais en familia":

• Crea o teu museo, domingo 14 de abril no Museo Provincial de Lugo de 11:30 a 13:00. Poderán participar ata 50 persoas incluíndo nais/pais e nenos/as. As inscricións poderán realizarse a partir de mañán 13 de marzo e ata o venres 22. É unha actividade gratuíta.

• Ciencia na rúa, sábado 4 de maio no Parque de Santa Margarita de A Coruña. As actividades son gratuítas e podería visitarse o Planetario da Casa das Ciencias. O desprazamento poderá realizarse en autobús. O custo se hai un número suficiente de demandantes será de 5 euros por persoa para as familias asociadas á ANPA e de 8 para as non asociadas. O número máximo de prazas é de 56, pero tamén podería efectuarse o traslado en vehículos particulares. O xantar poderíase realizar no propio parque e cada familia levaría a súa comida.

• Os Maios. Domingo 12 de maio de 11:30 a 11:30 da mañán. Trataríase de recoller material vexetal para a construción do Maio que se realizaría ao día seguinte concidindo coa festa do Día das Letras Galegas. A actividade é completamente gratuíta e os participantes ó terían que levar sacos grande de lixo, tesoiras de punta roma os nenos e coitelos os adultos.

• Granxa Garabullos, 1 de xuño de 2013. Esta granxa é un espazo de actividades na natureza e en contacto con animais domésticos onde as familias poden realizar actividades de sensibiliación medioambiental e achegamento á vida rural. Aínda quedan por pechar programa e, conseguintemente, prezos.