FESTA DE FIN DE CURSO 2011-2012

Estáse achegando a fin do curso 2011-2012. Igual cós anos anteriores, a ANPA pretende organizar unha FESTA DE CELEBRACIÓN E CONVIVENCIA aberta a tódolos compoñentes da comunidade escolar do CEIP Illa Verde. O acto terá lugar na tarde do xoves 21 de xuño de 2012 a partir das 16:00.  Aínda que fican por concretar algúns detalles, o programa ficaría do seguinte xeito:

• Exhibicións dos diferentes grupos de actividades extraescolares: iudo, ballet, baile tradicional.
• Obradoiros de globoflexia e barro.
• Xogos populares tradicionais.
• Merenda.

A comezos da vindeira semana (11-15 de xuño) mandarásevos unha circular co programa definitivo. Nela pediráselle ás familias que fagan constar a súa intención de asistir e o número de persoas (nenos, nenas, nais, pais, amizades, parentes) que o farían co obxecto de poder organizar axeitadamente a merenda.


Dada a complexidade das tarefas de organización, montaxe e desmontaxe necesítase toda a axuda que se poida ofrecer.