Este ano o Colexio, en periodo lectivo e dentro do proxecto de biblioteca, desenvolverán uns obradoiros de instrumentación complemento dos disfraces que vos propoñemos para a festa.
A Anpa financia unha monitora en periodo lectivo que se encargará de realizar os obradoiros do instrumento e os ensaios.
Estes obradoiros realizaranse para todo o alumnado do cole e na hora adicada a plástica. A profe de música dará continuidade aos ensaios ata o día da festa: xoves 28 de febreiro.
Dende a Anpa decirvos que a partir de mañá colgaremos no blogue ideas para elaborar os disfraces:
Ciclos Infantil: as charangas.
1º,2º,3º Primaria: ritmos de samba e capoeira.
4º,5º,6º Primaria: ritmos africanos.
Animádevos a participar! Os disfraces son moi simples...
Informarvos tamén de cal é o MATERIAL que cada familia ten que aportar para o obradoiro. Débese traer ao longo da semana e entregarllo á titora de clase:
Infantil: 1 chiflo dos de pendurar ao pescozo.
1º Primaria: 2 paos de madeira dos empregados en manualidades (40 ou 50 cm) de venta en comercios chinos.
2º Primaria: 1 bote de plástico ou metálico (de cacao,leite infantil,snacks...)
3º Primaria: 2 paos de madeira dos empregados en manualidades (40 ou 50) cm) de venta en comercios chinos.
O obradoiro será na biblioteca e cada alumna/o deberá levar os rotuladores e a tesoira.
4º,5º,6º Primaria: 1 pao de madeira dos empregados para vasoiras e fregonas.
1 brick de litro, valeiro e lavado (lde leite, zume...)
Os obradoiros de instrumentación e percusión foron cofinanciados mediante unha subvención concedida pola Deputación Provincial de Lugo na área de cultura dentro do seu programa "SUBVENCIÓNS DESTINADAS A ENTIDADES ASOCIATIVAS CULTURAIS DA PROVINCIA DE LUGO PARA A REALIZACIÓN DE ACTIVIDADES DE INTERESE CULTURAL NA ANUALIDADE 2019"
No hay comentarios:
Publicar un comentario