Chuvioso día a tod@s! Mañá, mércores 31 de outubro temos programado facer o Samaín a partir das 18:00.
Como a metereoloxía parece non querernos axudar, pois a Anpa decidiu no día de onte solicitar o comedor do colexio para realizar o obradoiro de cabazas. A entrada do colexio empregarémola para os obradoiros de maquillaxe e o salón multiusos (ximnasio) para a festa, merenda e proxección de videos. A dirección do centro accede a esta petición. Pediunos loxicamente que as familias nos responsabilicemos dos nosos fill@s. O acceso ó aulario do segundo piso estará totalmente prohibido, así como acceder ó patio de infantil e aulario e dependencias administrativas da planta cero.
Agradecemos á dirección do centro e á coordinadora do comedor a confianza depositada na Anpa e pedímoslles ás familias que sexan responsables dos seus nen@s.
Lembrámosvos que traiades 1 cabaza, 1 xornal, material para decorar a cabaza ,(rotus permanentes...) , tesoiras e 1 culler. Así como roupa de abrigo por se finalmente podemos saír de noite de paseo polo barrio.
Vide disfrazados á festa do Samaín!!
Moitas grazas.
Anpa Illa Verde
No hay comentarios:
Publicar un comentario