Festa de fin de actividades (31 de maio)

O vindeiro martes 31 de maio rematan as actividades extraescolares organizadas pola ANPA e, como en anos anteriores, celebrarémolo cunha festa aberta a toda a comunidade educativa do CEIP Illa Verde e que se desenvolverá entre as 4 e as 7:30 da tarde nas instalacións do noso colexio.
Este é o noso programa:

• Exhibicións dos nenos e nenas de Ximnasia Rítmica, Iudo, Baile Tradicional e Canto e Percusión.
• Demostración de baile de Clube Ritmo Lugo.
• Actuación do grupo musical Pesdelán.
• Karaoke, obradoiro de maquillaxe e xogos xigantes.

O alumnado de 6º de Educación Primaria, que está a recadar fondos para a súa excursión de fin de curso, organizará un mercadiño de comida e artesanía para tódolos asistentes.

Co gallo da festa non haberá ese día actividades extraescolares.

AGARDÁMOSVOS A TODAS E TODOS