Festa de Antroido

Achéganse os días de Antroido e imos celebralo novamente cunha Festa de Convivencia aberta a toda a Comunidade Educativa do CEIP Illa Verde o xoves 12 de febreiro de 2015 a partir das 16:15 horas no pavillón do noso colexio. Pensando no valor educativo e en non provocar demasiados dores de cabeza a nais e pais, o tema central da Festa deste ano vai ser O mundo animal. As actividades desa tarde desenvolveranse consonte ao seguinte programa:

• 16:15. Benvida.
• 16:30. Desfile por cursos.
• 17:15. Actividades simultáneas:
  • Obradoiro de maquillaxe.
  • Xogos con paracaídas.
  • Animación músical.
  • Mercadiño de produtos de Antroido organizado polo alumnado de 6º de Educación Primaria co obxecto de recadar fondos para a súa excursión de fin de curso.
• 18:15. Remate da festa.

Debemos lembrarvos que esta tarde non se desenvolverán as actividades extraescolares habituais organizadas pola ANPA. Asi mesmo deberedes ter en conta para unha axeitada marcha da Festa as seguintes normas: durante o seu desenvolvemento os nenos e as nenas participantes deberán ser supervisad@s en todo momento polas familias; procurarase manter a máxima limpeza das instalacións e depositarase todo o lixo nos contedores habilitados ao efecto; só se utilizará o interior do colexio para ir aos servizos.