ACTIVIDADES: Patinaxe

Como en anos anteriores, a actividade de patinaxe volveu presentar un problema de exceso de demanda xa que o número de rapaces apuntados e o desigual nivel  deles supera claramente as posibilidades de atendelos correctamente por parte da monitora nas dúas horas prefixadas. Por iso coidamos que a opción máis axeitada para resolver o problema provocando o menor agravio posible sería incrementar a oferta engadindo outra hora ou mellor outro monitor máis o mércores. Deste xeito poderíase establecer nese día unha diferenciación entre 2 niveis, iniciación e perfeccionamento, e mesmo permitir a incorporación dalgúns participantes máis. Evidentemente, isto obriga á ANPA a contratar con VITAE 1 hora/monitor máis á semana. Este complemento representaría un custo de 22'50 euros/hora. Consideramos que o xusto sería repartir este custo adicional entre tódolos rapaces apuntados. Feitas as contas, isto representa un prezo anual de 15 euros por rapaz ou rapaza participantes que deberíades aboar nun só pago na ANPA ao longo do primeiro trimestre. Agardamos que este cambio e o conseguinte custo adicional non represente para vós un grave problema e desexamos contar coa boa vosa vontade e colaboración.