Servizo de comedor

A ANPA xestiona un servizo de comedor mediante "cátering". Este curso o servizo lévao o Restaurante Central II. Os nenos están atendidos por unha camareira, que serve as comidas, e por coidadores que vixían, controlan e acompañan ós pequenos, axudando ós nenos de Infantil a comer.
Os pais que fagan uso deste servizo poderán recoller ós seus fillos dende as 15:15 (cando rematan a comida) deica as 17:00. Durante este tempo os nenos estarán atendidos en todo momento por un coidador, que organizará actividades para entretelos. Os máis pequenos terán a posibilidade de descansar.
Para as familias recén chegadas, dirémosvos que existen tres posibilidades de uso do comedor:

1. Menú fixo: cando se usa tódolos días da semana.
2. Menú fixo discontinuo: cando se usa algún día fixo da semana ó longo do curso.
3. Menú ocasional: cando se usa esporádicamente. Para facer uso deste servizo tedes que deixa-los datos do neno o día anterior no local da ANPA.

A cota é de 5,20 €/día. A ANPA subvenciona con 0,50 € ós socios.

Se os nenos que pretender utilizar este servizo teñen algunha alerxia alimentaria ou doenza que aconselle un menú especial, haberá que dirixirse á ANPA para solicitar indicacións sobre o procedemento a seguir.