A Xunta Directiva da Asociación de Nais e Pais do CEIP Illa Verde queremos un deseño para o noso carné de socio/a, e decidimos facer un concurso para iso.

REGULAMENTO, REQUISITOS, CONDICIÓNS E BASES:

-Poderán participar todos/as os/as socios/as.

-Cada participante pode facelo con un deseño.

-Cada deseño terá un titulo/nome posto polo/a creador/a, para poder identificalo/a á hora de votar.

-O deseño debe constar de: unha frase que debe poñer “ANPA ILLA VERDE” e espazo suficiente para poñer número de socio e datos da familia.

-A Xunta Directiva será quen decidirá o deseño gañador. Unha vez elixido poñerémonos en contacto co gañador/a.

-O prazo de presentación será do 4 ao 9 de outubro, ambos inclusive.

-O deseño será remitido ao correo anpaillaverde@gmail.com en formato  dixital de alta resolución (mínimo de 300 ppp), apto para a súa reprodución en alta calidade en imprenta.

 -O premio do/a gañador/a será un vale por valor de 25€, obsequio de LIBRERÍA CAMPUS. A gastar en Librería Campus.

-O/A gañador/a do concurso cede os dereitos do seu deseño a ANPA CEIP ILLA VERDE para a utilización do mesmo.

-A participación no concurso supón a aceptación destas bases.

Xunta Directiva da ANPA CEIP ILLA VERDE